ಸಂತೆಯಲ್ಲಿ ಕಳೆದು ಹೋದ ನನ್ನ ಹುಡುಕುತಾ!!

೨೦೧೩ರ ಚಿತ್ರ ಸಂತೆಯ ಕಣ್ಮನ ಸೆಳೆಯುವ ವೃತ್ತಿಪರತೆ ಇನ್ನು ನಯನ ಮಾಸಿ ಹೋಗಿದ್ದಿರ್ಲಿಲ್ಲ. ಅಷ್ಟ್ರಲ್ಲೆ ೨೦೧೪ರ ಚಿತ್ರ ಸಂತೆ ಹೇಗೋ ಆಮಂತ್ರಿಸಿತ್ತು. ಹಳೆಯ ವರ್ಷದ ನೆನಪಿನ ಬುತ್ತಿ ಕಟ್ಟಿಕೊಂಡ ಬಗೆ ಮನಸೋ ಇಚ್ಚೆ ಸಂಭ್ರಮಿಸಿದ ಹಾಗೇ 🙂

ಪ್ರೀತಿಯ ತನ್ಮಯತೆ

ಪ್ರೀತಿಯ ತನ್ಮಯತೆ

ಈ ಬಾರಿಯೂ ಅದೇ ನಿರೀಕ್ಷೆಯಲ್ಲಿ ಹೊರಡಲು ಅಣಿಯಾದೆ ಕುಮಾರಕೃಪಾ ರಸ್ತೆಯ ಹೆಜ್ಜೆ ಹಿಡಿದು. ಹಾಗಂತಲೇ ಕಳೆದ ಬಾರಿ ಈ ಸಂತೆಯಲ್ಲಿ ಜೊತೆಗೂಡಿದ್ದ ಸ್ನೇಹಿತನನ್ನ ಕರೆದೆ. ಅವ ಯಾವುದೋ ನೆಪ ಹೊಡ್ಡಿ ಬರುವುದಿಲ್ಲವೆಂದ. ನಾನು ಹೋಗುವುದೋ ಬೇಡವೋ ಎಂದು ತಲೆಯಲ್ಲಿ ಹುಳ ಬಿಟ್ಟುಕೊಂಡು ಕೂತಿರಬೇಕಾದ್ರೆ ಹಳೆಯ ಮಾಸದ ನೆನಪು ಕಣ್ಣ ಮುಂದೆ ಹಾದು ಹೋದವು!!

ಶಿಲ್ಪಕಲೆಯ ಚಿತ್ರಣ

ಶಿಲ್ಪಕಲೆಯ ಚಿತ್ರಣ

ಎಲ್ಲಿ ಆ ಸುಮಧುರ ಕ್ಷಣಗಳನ್ನ ಕಳೆದುಕೊಳ್ಳುವ ಗೋಜಿಗೆ ಸಿಲುಕುತ್ತಿನೋ ಎಂದುಕೊಂಡು, ಒಬ್ಬನೇ ಮನಸ್ಸು ಮಾಡಿದೆ ಹೋಗೇ ತೀರೋಣವೆಂದು 😉 ಹೊರಟೇಬಿಟ್ಟೆ ಒಬ್ಬನೇ ಅಪರಾಹ್ನ ಸುಮಾರು ಎರಡು ಮೂವತ್ತಕ್ಕೆ, ಅಂತು ಕರ್ನಾಟಕ ಚಿತ್ರಕಲಾ ಪರಿಷತ್ತಿನ ಜಾಡು ಹಿಡಿದು 😛

ಅವಳ ಸಿಂಚನ

ಅವಳ ಸಿಂಚನ

ಇನ್ನು ಪರಿಷತ್ತು ೫೦೦ಕ್ಕೂ ಹೆಚ್ಹಿನ ಮೀಟರ್ ದೂರವಿದ್ದರೂ, ಅಲ್ಲಿ ಕುಮಾರಕೃಪಾ ರಸ್ತೆಯೇ ಕಲಾಶಾಲೆಯಾಗಿತ್ತು 🙂 ಬಣ್ಣ ಬಣ್ಣದ ಚಿತ್ರಪಟಗಳು ರಸ್ತೆಯ ಆಸುಪಾಸಿನಲ್ಲಿ ನೋಡುಗ­ರನ್ನು ಆಕರ್ಷಿಸಿದ್ದವು. ಕರ್ನಾಟಕ ಚಿತ್ರಕಲಾ ಪರಿಷತ್ತು ಆಯೋಜಿಸಿದ್ದ ೧೧ನೇ ಚಿತ್ರಸಂತೆಯಲ್ಲಿ ಜನಮನ  ಕಲಾ ಸಂಗಮವಾಗಿತ್ತು. ಕುಮಾರಕೃಪಾ ರಸ್ತೆ ಅಕ್ಷರಶಃ ಕಲಾಲೋಕವಾಗಿ ಬದಲಾಗಿತ್ತು. 🙂

ತನ್ನಿಮಿತ್ತ

ತನ್ನಿಮಿತ್ತ

ಸಾಂಪ್ರದಾಯಿಕ ಮೈಸೂರು, ತಂಜಾವೂರು, ರಾಜ­ಸ್ತಾನಿ, ಮಧುಬನಿ ಶೈಲಿಯ ಕಲಾಕೃತಿಗಳ ಜತೆಗೆ ಅಕ್ರಿಲಿಕ್‌, ಕೊಲಾಜ್‌, ಲಿಥೋಗ್ರಾಫ್‌, ಎಂಬೋ­ಸಿಂಗ್‌, ಗಾಜಿನ ಮೇಲೆ ರಚಿಸಿದ ಚಿತ್ರಗಳು ನೋಡುಗರ ಮನಸೂರೆಗೊಂಡವು. 🙂 ಸಂತೆಯಲ್ಲಿ ಕಲಾವಿದರು ತಮ್ಮ ಕಲಾಕೃತಿಗಳನ್ನು ಮಾರಲು ತಂದಿದ್ದರೆ, ಕಲಾಸಕ್ತರು ತಮಗೆ ಇಷ್ಟವಾಗುವ ಕಲಾಕೃತಿಗಳನ್ನು ಕೊಳ್ಳಲು ಸಂತೆಯಲ್ಲಿ ತಿರುಗಾಡುತ್ತಿದ್ದುದು ಸಾಮಾನ್ಯ­ವಾಗಿತ್ತು. 🙂

ಓಂ ನಮಃ ಶಿವಾಯ

ಓಂ ನಮಃ ಶಿವಾಯ

ರಾಜ್ಯದ ಎಲ್ಲ ಜಿಲ್ಲೆಗಳಿಂದ ಹಾಗೂ ತಮಿಳು­ನಾಡು, ಆಂಧ್ರಪ್ರದೇಶ, ಮಹಾರಾಷ್ಟ್ರ, ಬಿಹಾರ, ಪಶ್ಚಿಮ ಬಂಗಾಳ, ಮಧ್ಯಪ್ರದೇಶ ಸೇರಿದಂತೆ ವಿವಿಧ ರಾಜ್ಯ­-ಗಳಿಂದ ಕಲಾವಿದರು ಸಂತೆಯಲ್ಲಿ ಪಾಲ್ಗೊಂಡಿ­ದ್ದರು. ಕಲಾವಿದ ಹಾಗೂ ಕಲಾಸಕ್ತರ ಮಧ್ಯೆ ಮಧ್ಯವರ್ತಿ ಇಲ್ಲದ ಕಲಾಮಿಲನಕ್ಕೆ ಸಾಕ್ಷಿಯಂತಿತ್ತು ನಮ್ಮ ೨೦೧೪ರ ಚಿತ್ರಸಂತೆ. 😉

ನನ್ನ ಕನಸಿನ ಮನೆ

ನನ್ನ ಕನಸಿನ ಮನೆ

ನಮ್ಮ ಸಂಸ್ಕೃತಿ, ಇತಿಹಾಸದ ಕುರುಹು, ಸಾಮಾಜಿಕ ನ್ಯಾಯದ ಧ್ವನಿ, ಪ್ರಕೃತಿಯ ತನ್ಮಯತೆ, ವನ್ಯ ಮೃಗಗಳ ಜೀವನ ಎಲ್ಲವನ್ನೂ ಸೊಗಸಾಗಿ ಒಂದೇ ಕಡೆ ಚಿತ್ರಿಸಿರುವುದನ್ನು ಕಾಣಬಹುದಾಗಿತ್ತು. ಅಕ್ಷರಶಃ ಕಲಾವಿದರು ತಮ್ಮ ಭಾವನೆಗಳನ್ನು ಬಣ್ಣಗಳಿಂದ ಹೊರತಂದಿದ್ದರು. 🙂

ಆ ಮುಗ್ಧತೆ

ಆ ಮುಗ್ಧತೆ

ಪ್ರತಿವರ್ಷ ಜನವರಿಯಲ್ಲಿ ಚಿತ್ರಕಲಾ ಪರಿಷತ್ ಏರ್ಪಡಿಸುವ ಈ ಸಂತೆ ಲಕ್ಷಾಂತರ ಮಂದಿಯನ್ನು ತನ್ನೆಡೆಗೆ ಸೆಳೆಯುತ್ತಲೇ ಇದೆ. ಹತ್ತಾರು ಸಾವಿರ ಕಲಾವಿದರಿಗೆ ತಮ್ಮ ಕಲೆಯ ಔತಣವನ್ನು ಜನ ಸಾಮಾನ್ಯರಿಗೆ ನೀಡುವ ಕೆಲಸ ಇದರಿಂದ ಸಾಧ್ಯವಾಗಿದೆ.

ಇತಿಹಾಸದ ಕುರುಹು

ಇತಿಹಾಸದ ಕುರುಹು

ಇಲ್ಲಿರುವ ಎಲ್ಲಾ ಚಿತ್ರಗಳ ಕೃತಿ ಸ್ವಾಮ್ಯ ಆಯಾ ಕಲಾವಿದರಿಗೆ ಸಲ್ಲಬೇಕು. ಇಲ್ಲಿರುವ ಚಿತ್ರಗಳು ಚಿತ್ರಸಂತೆಯನ್ನು ನೆನಪು ಮಾಡಿಕೊಳ್ಳಲು ಮಾತ್ರ. ಕಲೆಯನ್ನು ನೇರವಾಗಿಯೇ ನೋಡಿ ಆನಂದಿಸಬೇಕು. ಈ ಬಾರಿ ತಪ್ಪಿಸಿಕೊಂಡವರು ಮುಂದಿನ ಬಾರಿ ಹೋಗಲು ಮರೆಯಬೇಡಿ. ನಿಜವಾಗಿಯೂ ಕಲಾವಿದ, ಕಲೆ, ಕಲಾಸಕ್ತರ ಅಪೂರ್ವ ಸಂಗಮ. 🙂

ಗಜ ಗಾಂಭೀರ್ಯತೆ

ಗಜ ಗಾಂಭೀರ್ಯತೆ

ಕೊನೆಗೂ ನನ್ನೊಳಗಿನ ಕಲಾವಿದ ಸಂತೆಯಲ್ಲಿ ಕಳೆದುಹೋಗಿದ್ದ. ಅವನನ್ನ ಹುಡುಕಿ ಮನೆಗೆ ಕರೆದುಕೊಂಡು ಬರೋ ಹೊತ್ತಿಗೆ ನೇಸರ ತನ್ನ ಕೆಲಸ ಮುಗಿಸಿ ಚಂದ್ರನಿಗೆ ತನ್ನ ಪಾಳಿಯನ್ನ ಬಿಟ್ಟಿದ್ದ. ಮನಸ್ಸು ಖುಷಿಯಿಂದ ತೆಲಾಡುತ್ತಿತ್ತು. ಜೊತೆಗೆ ಬೇಸರಿಸಿಕೊಂಡಿತ್ತು; ಇನ್ನು ಬೇಗಾನೆ ಬಂದಿದ್ರೆ ಸಕತ್ತ್ ಇರ್ತಿತ್ತ್ ಅಲ್ವಾ ಅಂದುಕೊಂಡು, ತಡಮಾಡಿದ ಸ್ನೇಹಿತನನ್ನ ಶಪಿಸುತ್ತಾ. 😛

ಆ ವ್ಯಾಗ್ರತೆ

ಆ ವ್ಯಾಗ್ರತೆ

ಇಷ್ಟಕ್ಕೆಲ್ಲಾ ಸಾಕ್ಷಿಯಾಗಿದ್ದು ೦೫/೦೧/೨೦೧೪ ರಂದು ಜರಿಗಿದ ೧೧ನೆಯ ಚಿತ್ರಸಂತೆ. 🙂

ಸ್ಥಳ: ಕರ್ನಾಟಕ ಚಿತ್ರಕಲಾ ಪರಿಷತ್ತು, ಕುಮಾರಕೃಪಾ ರಸ್ತೆ, ಬೆಂಗಳೂರು.

ಇಂತಿ ನಿಮ್ಮವ;
@ Triple K 🙂

Advertisements

ನಿಮ್ಮ ಅನಿಸಿಕೆ ತಿಳಿಸಿ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s