ಎಲ್ಲರೊಳಗಿರುವ ಕಲಿಯುಗದ ಭಗೀರಥನ ಆತ್ಮಾವಲೋಕನ..,

ನಮಾಮಿ ಗಂಗೇ ತವ ಪಾದಪಂಕಜಂ ಸುರಾಸುರೈರ್ವಂದಿತದಿವ್ಯರೂಪಾಮ್ |
ಭುಕ್ತಿಂ ಚ ಮುಕ್ತಿಂ ಚ ದದಾಸಿ ನಿತ್ಯಂ ಭಾವಾನುಸಾರೇಣ ಸದಾ ನರಾಣಾಮ್ ||

ಮೇಲಿನ ಸ್ತೋತ್ರದ ಅರ್ಥ :
ಸರ್ವ ಐಹಿಕ ಸುಖ, ಭೋಗಗಳು ಮತ್ತು ಮೋಕ್ಷವನ್ನು ಪ್ರದಾನಿಸುವ ಹೇ ಗಂಗಾಮಾತೇ, ನಿನ್ನ ಚರಣಕಮಲಗಳು ಅವರವರ ಭಾವಾನುಸಾರ ಸರ್ವ ದೇವ ಮತ್ತು ದೈತ್ಯರಿಗೆ ವಂದನೀಯವಾಗಿವೆ, ಅಂತಹ ನಿನ್ನ ಚರಣಗಳಲ್ಲಿ ನಾನು ವಂದಿಸುತ್ತೇನೆ.

ಗಂಗೋತ್ರಿಯಲ್ಲಿ ಭಾಗೀರಥಿ.

ಗಂಗೋತ್ರಿಯಲ್ಲಿ ಭಾಗೀರಥಿ. ಚಿತ್ರ ಕೃಪೆ: ವಿಕಿಪೀಡಿಯ.

ಜೀವನ ನಿಂತ ನೀರಲ್ಲ. ಅದು ಮುಂದೆ ಸಾಗುವ ಹರಿಯುವ ನದಿ ಇದ್ದಂತೆ. ನೀರ್ ಬಗ್ಗೆ ಯಾಕ್ ಹೇಳ್ತೀನಿ ಅಂದ್ರೆ, ಜೀವನದ ಬಹುಪಾಲು ಭಾಗವನ್ನ ನೀರಿಗೆ ಹೋಲಿಸಬಹುದು. ಅದು ಪರೋಕ್ಷವಾಗಿ ನದಿಯಂತೆಯೇ. ಅದರ ಹರಿವು, ಮನುಷ್ಯನ ಜೀವನಕ್ರಮ ಒಂದೇ ನಾಣ್ಯದ ಎರಡು ಮುಖಗಳು.

ಮನುಷ್ಯನಿಗೆಷ್ಟು ಮೋಹ!! ಹಾಗೆಯೇ ನದಿಗೆಷ್ಟು ಧಾವಂತ!? ದಾರಿ ತೋರಿದ ಕಡೆ ಓಡಲೋ?, ಇಲ್ಲ ಮಧ್ಯದಲ್ಲೇ  ಇಲ್ಲೇ ಎಲ್ಲಾದರೂ ತನ್ನ ಪಯಣ ಕೊನೆಗೊಳಿಸಲೋ? ಇದ್ದರೂ ಎಲ್ಲಿರುವುದು? ಎಲ್ಲಿ ನೆಲೆ ನಿಲ್ಲುವುದು? ನಿಂತರೂ ಸಾರ್ಥಕ್ಯವಾಗುವೆನಾ? ಇಲ್ಲ ನಿಂತು ಸಾಮಾನ್ಯರಲ್ಲಿ ಸಾಮಾನ್ಯವಾಗಿ ತನ್ನ ಯಾತ್ರೆಯನ್ನ ಮುಗಿಸಿಬಿಡುವೆನಾ?! ಅನ್ನೋ ಹಿಂಜರಿಕೆ.

ಯಾಕೆಂದರೆ, ಭಾಗೀರಥಿಯಾಗಿ ಬಂದವಳು ಗಂಗೆಯನ್ನು ಸೇರಿ ಅವಳಷ್ಟೇ ಪವಿತ್ರಳಾಗಬೇಕೆಂಬ ಆಸೆ.

(ಟಿಪ್ಪಣಿ: ಗಂಗೋತ್ರಿ ಗಂಗಾ ನದಿಯ ಉಗಮಸ್ಥಾನ. ಇಲ್ಲಿ ಗಂಗೆಯು ಭಾಗೀರಥಿ ಎಂಬ ಹೆಸರಿನಿಂದ ಕರೆಯಿಸಿಕೊಳ್ಳುವಳು. ಮುಂದೆ ದೇವಪ್ರಯಾಗದಲ್ಲಿ ಅಲಕನಂದಾ ನದಿಯೊಂದಿಗೆ ಸಂಗಮಿಸಿದ ನಂತರ ನದಿಗೆ ಗಂಗಾ ಎಂಬ ನಾಮಧೇಯ.)

ದೇವಪ್ರಯಾಗದಲ್ಲಿ ಅಲಕನ೦ದಾ ಮತ್ತು ಭಾಗಿರಥಿಯರ ಸಂಗಮ

ದೇವಪ್ರಯಾಗದಲ್ಲಿ ಗಂಗೆ ಅವತರಿಸಲು ಅಲಕನ೦ದಾ ಮತ್ತು ಭಾಗಿರಥಿಯರ ಸಂಗಮ. ಮುಂದಿನವಳೇ ನಮ್ಮ ದೇವನದಿ ಗಂಗಾ ಮಾಯಿ 🙂 ಚಿತ್ರ ಕೃಪೆ: ವಿಕಿಪೀಡಿಯ.

ಹೌದಲ್ವಾ! ಏನೋ ಆಗಬೇಕೆಂದು ಬಯಸಿರ್ತೀವಿ. ಆದರೆ ಸೋಮಾರಿತನನೋ, ಇಲ್ಲ ಉಡಾಫೆಯ ಮನಸ್ಥಿತಿಯೋ, ಇಲ್ಲ ಇಷ್ಟು ಸಾಕು ಎನ್ನುವ so called “COMFORT ZONE” ಮುಟ್ಟಿದ್ದೇವೆ ಅನ್ನೋ ಧೋರಣೆಯೋ; ನಮ್ಮನ್ನ ನಿಂತ ನೀರಾಗಿ ನಿಲ್ಲಿಸಿಬಿಡುತ್ತೆ. ಯಾಕಂದ್ರೆ ನಿಂತ ನೀರು ಹರಿಯುವ ಉತ್ಸಾಹವನ್ನೇ ಕಳೆದುಕೊಂಡಿರುತಲ್ವಾ ಅದಕ್ಕೆ ;(

Matured Stage ಅಂತಾರಲ್ಲ ಅವಾಗ ಬದುಕು: ಕನಸು; ಸಾಧನೆಗಳ ಬಗ್ಗೆ ನಾವೇ ಏನ್ ಏನೋ ಬರೆದುಕೊಂಡಿರ್ತೀವಿ. ಅವು ಕಾಲಕ್ರಮೇಣ ಓದಲಾರದಷ್ಟು ಮಟ್ಟ ತಲುಪಿರ್ತೀವಿ. ಒಂದು ವಯಸ್ಸಾಗಿ ಕಣ್ಣು ಮಂಜಾಗಿರಬೇಕು; ಇಲ್ಲ ಅಂದ್ರೆ ಆ ಬರಹ ಧೂಳಿಡಿದು ಓದಲಿಕ್ಕೆ ಆಗಲಿಕ್ಕಿಲ್ಲ. ಅಂದ್ರೆ ನಾವು ನಮ್ಮ ಕನಸುಗಳನ್ನ ನನಸಾಗಿಸದೆ ಮೂಲೆ ಸೇರಿಸಿರ್ತೀವಿ ಅನ್ನೋದು! ನಾವ್ ಏನ್ ಆಗಬೇಕಿತ್ತು, ನಾವ್ ಏನ್ ಆಗಿದ್ದೀವಿ ಅಂತ ಪಶ್ಚಾತ್ತಾಪ ಪಡೋ ಸಮಯ 🙂

ಈಗ ಏನ್ ಆಗಿದ್ದೀವಿ!? ಮುಂದೇನಾಯಿತು? ಆಗಿದ್ದಕ್ಕೆ ಪಶ್ಚಾತ್ತಾಪಪಟ್ಟುಕೊಂಡು ಕಾಲ ಕಳೆಯೋದರಲ್ಲಿ ಯಾವುದೇ ಪ್ರಯೋಜನವಿಲ್ಲ. ಅಂದುಕೊಂಡಿದ್ದು ಮಾಡಲೇಬೇಕು, ಆಗುವವರೆಗೂ ದಣಿಯಲೇಬೇಕು. ಕಂಡ  ಕನಸುಗಳನ್ನ ಸಾಕಾರಗೊಳಿಸಲೇಬೇಕು, ರಾತ್ರಿ ಹಗಲು ಸುಟ್ಟು ಸಾಧಿಸಲೇಬೇಕು; ಸಮಯ ಮೀರುವುದೊಳಗಾಗಿ. 🙂

ಹೌದಲ್ವಾ? ಬದುಕಲೇಬೇಕು ಸಾರ್ಥಕವಾಗಿ, ನಾವು ಬಯಸಿದ ಬದುಕು ನಮ್ಮದಾಗಲೇಬೇಕು! ಉತ್ಸಾಹದಿಂದ ಓಡುವ, ಹರಿಯುವ ನದಿಯಂತೆ; ಭಾಗೀರಥಿಯಾಗಿ ಬಂದವಳು ಗಂಗೆಯಾದಂತೆ. ಅಷ್ಟು ದೂರದ ಉದಾಹರಣೆ ಬೇಡ ಅಂದ್ರೆ ನಮ್ಮ ಕನ್ನಿಕೆಯನ್ನೇ ತೆಗೆದುಕೊಳ್ಳೋಣ, ಆಕೆ ಕಾವೇರಿಯಾಗ ಬಯಸುತ್ತಾಳೆ 🙂

ತ್ರಿವೇಣಿ ಸಂಗಮ, ಭಾಗಮಂಡಲ, ಕೊಡಗು ಜಿಲ್ಲೆ, ಕರ್ನಾಟಕ

ತ್ರಿವೇಣಿ ಸಂಗಮ, ಭಾಗಮಂಡಲ, ಕೊಡಗು ಜಿಲ್ಲೆ, ಕರ್ನಾಟಕ

ಎಷ್ಟು ಜೀವನ ಪಾಠ ಕೊಡುತ್ತೆ ಅಲ್ವೇ ನಮ್ಮ ಜೀವಜಲ! ಮನುಷ್ಯ ಅನ್ನುವುದು, ನಿಜವಾಗಿಯೂ ಒ೦ದು ಜೀವ, ಅದು ನಿರ೦ತರವಾಗಿ ವಿಕಾಸಗೊಳ್ಳುತ್ತಾ ಮು೦ದುವರೆಯುತ್ತಿರಬೇಕು. ಕೆಲವೊ೦ದು ಅನುಭವದ ಜ್ಞಾನ ಸಿಗುವುದು, ಈ ಮಾನವನ ದೇಹದಲ್ಲಿ. ಹಾಗಾಗಿ ಆತ್ಮ ಜೀವ ತಳೆಯುತ್ತದೆ. ಆತ್ಮಕ್ಕೆ ಈ ಜೀವನದಲ್ಲಿ ಏನೆಲ್ಲಾ ಕಲಿಯಲು ಇದೆ ಎನ್ನುವುದು ಚೆನ್ನಾಗಿ ಗೊತ್ತಿರುತ್ತದೆ, ಆದರೆ ಅದು ಹುಟ್ಟಿದ ತಕ್ಷಣ ಅದನ್ನೆಲ್ಲಾ ಮರೆತು, ಜೀವನದ ನಾಟಕ ರ೦ಗದಲ್ಲಿ ಸಿಕ್ಕುಹಾಕಿಕೊಳ್ಳುತ್ತದೆ. ಅಲ್ಲಿ೦ದ ಶುರು, ಕರ್ಮಖಾ೦ಡಗಳು, ಋಣ ತೀರಿಸುವುದಲ್ಲೇ ಕಾಲ ಹೋಗಿರುತ್ತದೆ. ಅದನ್ನೆಲ್ಲಾ ಬದಿಗೊತ್ತಿ, ನದಿ ತನ್ನ ಗುರಿ ತಲುಪಲು ಕಡಲ ಸೇರಲಿಕ್ಕೆ ಓಡುವ ಹಾಗೇ, ನಾವೂ ನಮ್ಮ ಗುರಿ ಮುಟ್ಟುವ ತನಕ ಉತ್ಸಾಹದಿಂದ ಸಾಗೋಣ 🙂

ಇಷ್ಟೆಲ್ಲಾ ಅನ್ನಿಸಿದ್ದು ನಾನೂ ಕೂಡ ಮೇಲೆ ಹೇಳಿದ ಹಾಗೇ ಏನ್ ಏನೋ ಬರೆದುಕೊಂಡಿದ್ದೆ. ಆದ್ರೆ ಇವಾಗ ಕಾಣದಷ್ಟು ಧೂಳುಮಯವಾಗ  ಬಿಟ್ಟಿರಲಿಲ್ಲ. ಯಾವುದೋ ದಾರಿಯಲ್ಲಿ ಹೊರಟ್ಟಿದ್ದೆ, ಆದ್ರೆ ಹಿಂದೆ ಬರೆದದ್ದು ನೆನಪಾಯಿತು. ಅದಕ್ಕೆಂದೇ ಮತ್ತೆ ಧೂಳನೆಲ್ಲ ಕೊಡವಿ ಆ ಬರಹ ಓದಲು ಅಣಿಯಾದೆ; ಗುರಿ ಮುಟ್ಟುವ ತವಕದಲ್ಲಿ.

ಹೌದಲ್ವಾ!? ಇಂತದೇ ತಪ್ಪು ಎಲ್ಲರೂ ಮಾಡಿರ್ತೀವಲ್ಲ? ಎಲ್ಲರೂ ಅಲ್ಲದ್ದಿದ್ದರೂ ನನ್ನ ಜಾತಿಗೆ (ಅಂದ್ರೆ ಮನಸ್ಥಿತಿಯಲ್ಲಿ, ಯಾಕಂದ್ರೆ ನನ್ನದು ಭಾರತೀಯ ಜಾತಿ ಅಷ್ಟೇ) ಸೇರಿದವರಾದ್ರು ಮಾಡಿರ್ತೀರ 😛 ಅದಕ್ಕೆ ಗೀಚಿದ್ದೇನೆ, ಮತ್ತೆ ಧೂಳು ಕೊಡವಿಕೊಂಡು ಎದ್ರು  ಎದ್ದಾರು ಅಂತ 😉

ನಾನೂ ಅಷ್ಟೇ; ಭಾಗಿರಥಿಯಂತೆ ಗಂಗೆಯ ಸೇರಿ ಅವಳಷ್ಟೇ ಪವಿತ್ರಳಾಗಿ, ಕಡಲ ಸೇರುವ ತವಕದಲ್ಲಿದ್ದೇನೆ. ಸೇರೇ ತೀರುತ್ತೇನೆ ಅನ್ನೋ ಆತ್ಮವಿಶ್ವಾಸ ಸಿಕ್ಕಿದೆ, ಅದಕ್ಕಿಂತಾ ಹೆಚ್ಚಾಗಿ ನಾನೂ ತಂದುಕೊಂಡಿದ್ದೇನೆ. ಶುಭವಾಗಲಿ ಎಂದು ನೀವೂ ಬಯಸಿ, ಹಾರೈಸಿ. ನಾನೂ ಹಾರೈಸ್ತೀನಿ 🙂

ಇಂತಿ ನಿಮ್ಮವ;
@ Triple K 🙂

Advertisements

4 thoughts on “ಎಲ್ಲರೊಳಗಿರುವ ಕಲಿಯುಗದ ಭಗೀರಥನ ಆತ್ಮಾವಲೋಕನ..,

  1. Ninna kanasugalu nanasaagali…kanasu nanasugala naduvae iruvudhu neenu maathra…aadhharinda idhu ninninda maathra saadhya…namma haaraikae nimmondhigae sadha irutthadae….

ನಿಮ್ಮ ಅನಿಸಿಕೆ ತಿಳಿಸಿ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s